ဒို့ မြန်မာစာ စည်းစနစ်သိပ်ကြီးသဗျ
ကျနော်က ဆရာကြီး ဆရာမကြီးတွေထံက အသိပညာတစ်ခုခု အမြဲရတတ်တယ် ကံကောင်းတယ်ပေါ့
ပခုက္ကူ မှာ ဆရာကြီး ကိုလေး(အင်းဝဂုဏ်ရည်)နဲ့ စာအကြောင်း ကဗျာအကြောင်း ပြောကြရင်း ဆရာကြီးကပြောပြတယ်
ကိုထင်.... တဲ့ ဒို့ မြန်မာစာ စည်းစနစ်သိပ်ကြီးသဗျ ကကြီးစ အ ဆုံး ဗျည်း ၃၃လုံးမှာ
ဇယားကွက်ကိုကြည့်
ပထမတိုင်က "က ၊ စ ၊ ဋ တ၊ ပ ၊ ယ" ခြောက်လုံး
နောက်ဆုံးတိုင်က "င ၊ ည ၊ ဏ ၊ န ၊ မ ၊ သ" ခြောက်လုံး
အဲဒါတွေနဲ့ အသတ်ပြုမှ မြန်မာစာ အစစ်ဗျ
အခြားအက္ခရာတွေနဲ့ မသတ်ဘူး ၊ သတ်ရင်မြန်မာစာအစစ် မြန်မာဝေါဟာရ အစစ် မဟုတ်ဘူး
ပါဠိသက် ဗျ
ဟေ့ အဲဒီမှာမှ "က ၊ စ ၊ ဋ တ၊ ပ ၊ ယ" တွေနဲ့ သတ်ရင် အသံပြတ်ဗျ
နောက်အက္ခရာကို ပင်ကိုသံအတိုင်းထွက်ရတယ်
ဥပမာ သစ်ပင် (ပင်... ကိုနဂိုသံထွက်)
ခံတက်ကုန်း ဆိုရင်
တဝမ်းပူကို ကသတ်တော့ နောက်က ကုန်းကို အသံမပြောင်းရဘူး
"င ၊ ည ၊ ဏ ၊ န ၊ မ ၊ သ" တွေနဲ့ သတ်ရင် နောက်အက္ခရာကို တတိယအက္ခရာသံပြောင်းထွက်ရတယ်
ဥပမာ ညောင်ပင်
သဝေထိုး ညရေးချ ကို ငသတ်တော့
နောက်က 'ပင်' ကို ပစောက်သံမထွက်ရ
ပစောက်ရဲ့နောက်က တတိယ အက္ခရာဖြစ်တဲ့ "ဗ" အသံယူပြီး ဗင် လို့ထွက်ရတယ်
ညောင် ပင် လို့မဖတ်ရဘူး ညောင်ဗင် လို့ဖတ်ရတယ်
"ပင်စိမ်း" ဆိုရင်
ပကို င သတ်တော့ နောက်က "စိမ်း"ကို နဂိုသံမထွက်ရ
စလုံးရဲ့ တတိယအက္ခရာဖြစ်တဲ့ ဇကွဲသံယူပြီး "ပင်ဇိမ်း" လို့ဖတ်ရတယ်
မြန်မာစာ မြန်မာစကား
အဲသလို စည်းနဲ့ စနစ်နဲ့ဗျ... တဲ့
ပညာရှိတို့စကား
ညီ ညီမတွေကို လက်ဆင့်ကမ်းလိုက်ပါတယ်
ပညာအရိပ်ဟာ အလွန်အေးမြသာယာတယ်ဗျာ
Credit to Ko Htin Lin Oo
Comments
Post a Comment